ARRAUNA

ARRAUNA

Ekainaren 6tik 8ra Beiren egon gara. Eta ondoren, beste ekintza bat ezagutu dugu: arrauna. Trenez Oriora joan eta Zarautzko elkarteko bi kideekin kirol hau ezagutzeko aukera bikaina izan dugu. Eta asko gustatu zaigu gainera. Aukera badaukazue, PROBATU!

Egun beroa tokatu zaigunez, bainutxo bat hartzeko ere aprobetxatu dugu. 

BIDE HEZIKETA

 

     BIDE HEZIKETA

Urtea amaitzeko, bide heziketa izan genuen astelehen eta asteazken honetan. Astelehenean teorikoa izan zen, Unai udaltzaina, gelara etorri zen eta arduraren edo gure erantzukizunaren inguruan jolasean ibili ginen.

    Asteazkenean, bakoitzak bere bizikleta hartu eta lehenengo A gelakoen txanda izan zen. Unaik

    ibilbidea azaldu zigun eta bakoitzak bere kaskoa eta bere bizikleta hartu eta binaka jarri ginen.                Batzuk ez zeukatenez ez bizikleta ez kaskorik, Unai eta Igorrek beraien furgonetatik bizikletak eta             kaskoak atera zituzten. Ibilbidea Orokietako sarreran hasten zen, suhiltzaileetako errotondari buelta eman, berriro Orokietatik pasa, Eroskiko errotondari beste buelta bat emanda eta Orokietan bukatzen genuen. Gustura eta gehiago egiteko gogoz gelditu gara. Ondoren, denak elkartu gara gertatutakoaz hitz egiteko.

                                                                                                                                                 

                                         

                                                 

                     

                                  

                                                                                                              

                                                                  

  

ARO MODERNOKO ESKULANAK

                                                         ARO MODERNOKO ESKULANAK

Aro modernoaren proiektuan bidaiak sartzen zirenez, aro modernoa bukatzeko, itsasontzi batzuk egin ditugu. Talde bakoitzak itsasontzi baten eredua hartzen zuen eta ereduan fijatzen, talde bakoitzak itsasontzi dessberdin bat egin dugu. 

   

 

    

 

LEHEN SOROSPENAK IKASTEN

Aurreko astean  6. mailakoak lehen sorospenak ikasten egon gara. Alex Garate, Gurutze Gorriko langilea egon da gurekin azaltzen zer egin konorterik gabeko pertsona baten aurrean:

1.- Lehendabizi, ingurua eta zure burua babestu.

2.- Ondoren, konprobatu arnasa hartzen duen ala ez. Arnasa hartzen badu, albozka etzan bere mihiarekin edo botakarekin ez itotzeko. 

3.- Arnasa ez badu hartzen, Bihotz Biriketako Berpizketa egin behar zaio, anbulantzia etorri arte. 

4.- Bi kasuetan, ezer egin baino lehen, deitu 112-ra, eta hurrengoa jakinarazi: zure herria, helbidea, gertatutakoa eta pertsonaren egoera.

Ondoren praktikatzen egon ginen panpin batzuekin, Alexek jarritako egoera desberdinekin. Orain prest gaude, eta badakigu nola erreakzionatu horrelako egoera baten aurrean.

 

STOP MOTIONak

 

        Antzerki saioan stop motionak egin ditugu. Hauek marrazkiekin egin ditugu.

ELISAREN HITZALDIA

 

     

Orain zelula-ugalketa proiektuarekin hasi garela, Aranen ama, Elisa, eskaini zitzaigun erditzeari buruz hitz egitera etortzeko; martxoaren 31ean etorri zen LH6A koekin egotera eta apirilaren 1ean 6B eta 6Ckoengana.

Bera emagina (matrona) da eta oso interesgarria izan zen eta asko ikasi genuen.

Hasieran galdetu zigun zer genekien erditzeari buruz, baina ez genekienez asko, berak kontatu zigun zer zen erditzea.

Ondoren, umearen zentzumenak ordenean esan genituen.

Dantza pixkat ere egin genuen. Amatxoak, erditu baino lehenago, erditzerako momentuan umea ondo ateratzeko, aldakarekin mugimendu batzuk egin behar dira, eta Elisak musika jarri zuen eta aldaka edo gerria mugitzen hasi ginen.

Ume baten zentzumena dastamena da. Ba al zenekiten, sudurretik ere dastatu dezakegula?

Ba bai, Elisak, txokolatina batzuk ekarri zituen eta frogatu egin genuen. Egia da, sudurretik dastatu dezakela. Guk txokolatea jan eta sudurra tapatu genuen eta ez zen ezer ere ez dastatzen, baina hala ere txokolatea earra zegoen!

HOLST

 

Martxoaren 25, Lh6 ko guztiok bildu ginen, musikako Holsten lana bukatzeko, hau unibertsoaren proiektuarekin lotu genuen.

Holst musikari ingelesa zen eta planeta bakoitzarentzat kanta bat egin zuen.

Musika saioetan bederatzi taldeetan banatu ginen 3 klaseak, talde bakoitzari planeta bat tokatu zitzaion bozketa eginez.

Kantxan bildu ginen, bildu eta gero taldeetan banatu eta margotzen hasi ginen. Holsten musika entzuten genuen bitartean planetak margotzen geunden.

Arratsalde guztia eman genuen margotzen, oso jarduera dibertigarria izan zen.

Planetak pintatzeari utzi eta gero gure artean margotzen hasi ginen eta denak oso zikin bukatu genuen.

Bideoa ikusgai duzue goian.

AMETSA

                                                                    AMETSA

 Berriro ere Orokietan ametsa egiteko garaia iritsi da. Ikasleok amets egiteko eguna martxoak 11an izango da baina guraso eta irakasleek martxoak 14 izango dute azken aukera. Ametsa da ikasle, irakasle eta gurasoek beraien eskolarako dituzten proposamenak aurkezteko ekintza bat. Hau da, nahi dutena edo nahi duguna ahal dugu amestu. 

Aurrekoan amestutako amets batzuk bete dira adibidez: Patio berria, irrati gela, irteera gehiago dohainik...

Ea oraingoan zer amestu dugun! Eta zertan hobetzen dugun Orokieta, nahiz eta guk hortaz gutxi disfrutatu.

  

INAUTERIAK 2022

INAUTERIAK 2022

 Inauteriaren eguna alaitzeko, otsailaren 25a alegia, LH6koak zipoteroak bezala etorri gara eta nahiko barre egin genuen dantzatzen eta mozorroarekin. 10:30etan prest geunden dantza egiteko eta baietz Orokietako dantzaririk onenak garela!
Ondoren, gustura jan genuen txokolate beroa eta bizkotxoak, mutur osoa txokolatez beteta geneukan eta bukatzeko disko-festan gure dantzak hoberenak atera genituen, hori bai euskal inauteriak!

                        

EUSKAL INAUTERIKO PERTSONAIAK

            EUSKAL INAUTERIETAKO PERTSONAIAK

    Aurten, Euskal inauterietako pertsonaiak  ezagutu ditugu: Zamaltzainak, Joaldunak, Miel otxin, Markitoak, Zakuzaharrak, Atorrak, Zipoteroak, Mairuak, Mamuzarrak eta Kotilungorriak.

Nongoak ziren eta beraienm ezaugarri asko ezagutu genituen eta gero gure gelakidei aurkeztu genizkien. Eskolako inauterietan hemengo pertsonai askorekin dantza prestatu dugu. Gurea hurrengo batean azalduko dizuegu.

KUTXAESPAZIO

 2022ko otsailaren 11ean 6. mailakoak Donostiara joan ginen Kutxaespaziora. Hara joan baino aste bat lehenago lurreko zaborraren horma-irudiak egin genituen, Erasmuseko EVERYTHING CAN BE RECYCLED EXCEPT THE EARTH gaiarekin lotuz.

10:00etan  Planetariumera joan ginen, ikaragarri polita izan zen. Lurretik atera ginen eta Eguzkiaren inguruan biraka gabiltzala eta Ilargia guri biraka dagoela azaldu ziguten, oso interesgarria izan zen. 

11:00etan 6-Akoak eta 6-Bkoak kimikaren magiako tailerra izan genuen, bitartean 6-Ckoek bixita librea izan zuten. Eta 12:00etan alderantziz.

Ondoren, atsedenalditxoa izan genuen: bazkaldu, inguruan dagoen parke batean jolastu eta autobusa hartu baino lehen, berriro sartu ginen ondo ikusi gabeko guneak ikertzera.

OSTIRAL PAREGABEA!

SANZ-ENEAKO TXOTXONGILO ERAKUSKETA

 Goizean Sanz-Enea liburutegira joan gara txotxongilo erakusketa ikustera. LH6-ko hiru gelak joan gara, baina bananduta.

Horko txotxongiloak igelak ziren bere metamorfosia ikusteko; ikusi dugun bezala, txotxongilo batzuen burua, arrautzen kaxa txikiak ziren.

4 areto desberdin ikusi ditugu, eta azkenengoa gehiengoen gustukoena izan da, gaia zirkoarena izan da, akrobatak, malabaristak, superfrogak,... baina guztira areto denak gustatu zaizkigu. 

Horko aurkezleak bitxikeri batzuk esan dizkigu eta mugimendu batzuekin gurekin jolasean aritu da.

Ikusi eta ikasi!!!!

LIZARDIRA

 LIZARDIRA

Urtarrilak 21ean eta 28 6. mailakoak Lizardira joan gara. Gaur urtarrilak 21, 6 A eta 6 B eta hurrengoan 6 Ckoak.

Datorren urtetik aurrera gure eskola izango dena ezagutzera joan gara eta argazkiak atera ditugunez, hemen dituzue bideo batean.

BITXIKERI PARE BAT. 

3. mailan MINIONSak izan ginen inauterietan eta Lizardin Collage hau ikusi dugu! A ze oroitzapenak!

Eta aurreko astean KADINSKYren tertulia egin genuen, ezta? Ba Kandiskyren koadro hau ere han zegoen. Ikusi dugunean berehala pentsatu degu berea zela eta hara non, txiki txikiz, Kandisky izena azaltzen zen. 

TERTULIA ARTISTIKOA

 KANDINSKY

Urtarrilaren 10tik 14ra, urtero bezala, TERTULIA ARTISTIKOA egingo dugu. 

Aurtengo artista zein den? Kandinsky. 

Bere biografia ere ikasi dugu baina hori GOOGLEn ere topatu dezakezue.

Berezitasun bat zuela ikasi dugu. Zein? SINESTESIA.

Batzuk ezaguna zuten eta beste batzuk ez, hau da, musika  KOLOREEKIN lotzea!!! Bai berezia, ezta?

Gela eta maila bakoitzak tertuliarekin lotutako hainbat ekintza eta eskulan egingo ditugu. Guk adibidez, puzzle bat osatuko dugu. Puzzleak 28 zati izango ditu eta bakoitzak bere puzzlearen zatian, Kandinskyren artea azalduko dugu; gure erara noski.

Hemen dituzue argazkia eta bideoa: