Orokieta Herri Eskola. 6. maila

2022(e)ko martxoaren 15(a), asteartea

AMETSA

Berriro ere Orokietan ametsa egiteko garaia iritsi da. Ikasleok amets egiteko eguna martxoak 11an izango da baina guraso eta irakasleek martxoak 14 izango dute azken aukera. Ametsa da ikasle, irakasle eta gurasoek beraien eskolarako dituzten proposamenak aurkezteko ekintza bat. Hau da, nahi dutena edo nahi duguna ahal dugu amestu.

Aurrekoan amestutako amets batzuk bete dira adibidez: Patio berria, irrati gela, irteera gehiago dohainik...

Ea oraingoan zer amestu dugun! Eta zertan hobetzen dugun Orokieta, nahiz eta guk hortaz gutxi disfrutatu.

2022(e)ko martxoaren 1(a), asteartea

INAUTERIAK 2022

Inauteriaren eguna alaitzeko, otsailaren 25a alegia, LH6koak zipoteroak bezala etorri gara eta nahiko barre egin genuen dantzatzen eta mozorroarekin. 10:30etan prest geunden dantza egiteko eta baietz Orokietako dantzaririk onenak garela!
Ondoren, gustura jan genuen txokolate beroa eta bizkotxoak, mutur osoa txokolatez beteta geneukan eta bukatzeko disko-festan gure dantzak hoberenak atera genituen, hori bai euskal inauteriak!

EUSKAL INAUTERIKO PERTSONAIAK

EUSKAL INAUTERIETAKO PERTSONAIAK

Aurten, Euskal inauterietako pertsonaiak ezagutu ditugu: Zamaltzainak, Joaldunak, Miel otxin, Markitoak, Zakuzaharrak, Atorrak, Zipoteroak, Mairuak, Mamuzarrak eta Kotilungorriak.

Nongoak ziren eta beraienm ezaugarri asko ezagutu genituen eta gero gure gelakidei aurkeztu genizkien. Eskolako inauterietan hemengo pertsonai askorekin dantza prestatu dugu. Gurea hurrengo batean azalduko dizuegu.

2022(e)ko otsailaren 15(a), asteartea

KUTXAESPAZIO

2022ko otsailaren 11ean 6. mailakoak Donostiara joan ginen Kutxaespaziora. Hara joan baino aste bat lehenago lurreko zaborraren horma-irudiak egin genituen, Erasmuseko EVERYTHING CAN BE RECYCLED EXCEPT THE EARTH gaiarekin lotuz.

10:00etan Planetariumera joan ginen, ikaragarri polita izan zen. Lurretik atera ginen eta Eguzkiaren inguruan biraka gabiltzala eta Ilargia guri biraka dagoela azaldu ziguten, oso interesgarria izan zen.

11:00etan 6-Akoak eta 6-Bkoak kimikaren magiako tailerra izan genuen, bitartean 6-Ckoek bixita librea izan zuten. Eta 12:00etan alderantziz.

Ondoren, atsedenalditxoa izan genuen: bazkaldu, inguruan dagoen parke batean jolastu eta autobusa hartu baino lehen, berriro sartu ginen ondo ikusi gabeko guneak ikertzera.

OSTIRAL PAREGABEA!

2022(e)ko otsailaren 8(a), asteartea

SANZ-ENEAKO TXOTXONGILO ERAKUSKETA

Goizean Sanz-Enea liburutegira joan gara txotxongilo erakusketa ikustera. LH6-ko hiru gelak joan gara, baina bananduta.

Horko txotxongiloak igelak ziren bere metamorfosia ikusteko; ikusi dugun bezala, txotxongilo batzuen burua, arrautzen kaxa txikiak ziren.

4 areto desberdin ikusi ditugu, eta azkenengoa gehiengoen gustukoena izan da, gaia zirkoarena izan da, akrobatak, malabaristak, superfrogak,... baina guztira areto denak gustatu zaizkigu.

Horko aurkezleak bitxikeri batzuk esan dizkigu eta mugimendu batzuekin gurekin jolasean aritu da.

Ikusi eta ikasi!!!!

2022(e)ko urtarrilaren 21(a), ostirala

LIZARDIRA

Urtarrilak 21ean eta 28 6. mailakoak Lizardira joan gara. Gaur urtarrilak 21, 6 A eta 6 B eta hurrengoan 6 Ckoak.

Datorren urtetik aurrera gure eskola izango dena ezagutzera joan gara eta argazkiak atera ditugunez, hemen dituzue bideo batean.

BITXIKERI PARE BAT.

3. mailan MINIONSak izan ginen inauterietan eta Lizardin Collage hau ikusi dugu! A ze oroitzapenak!

Eta aurreko astean KADINSKYren tertulia egin genuen, ezta? Ba Kandiskyren koadro hau ere han zegoen. Ikusi dugunean berehala pentsatu degu berea zela eta hara non, txiki txikiz, Kandisky izena azaltzen zen.

2022(e)ko urtarrilaren 13(a), osteguna

TERTULIA ARTISTIKOA

KANDINSKY

Urtarrilaren 10tik 14ra, urtero bezala, TERTULIA ARTISTIKOA egingo dugu.

Aurtengo artista zein den? Kandinsky.

Bere biografia ere ikasi dugu baina hori GOOGLEn ere topatu dezakezue.

Berezitasun bat zuela ikasi dugu. Zein? SINESTESIA.

Batzuk ezaguna zuten eta beste batzuk ez, hau da, musika KOLOREEKIN lotzea!!! Bai berezia, ezta?

Gela eta maila bakoitzak tertuliarekin lotutako hainbat ekintza eta eskulan egingo ditugu. Guk adibidez, puzzle bat osatuko dugu. Puzzleak 28 zati izango ditu eta bakoitzak bere puzzlearen zatian, Kandinskyren artea azalduko dugu; gure erara noski.

Hemen dituzue argazkia eta bideoa:

2022(e)ko urtarrilaren 6(a), osteguna

ABENDUAREN 23a

GABONAK

Iritsi da azken eguna eta guk egun berezi hau ere primeran pasa dugu. Normalean egiten ez ditugun jolasak izan dira eta gaur gelara etorri garenok ederki pasa dugu. Baita abesten ere!

LEHIAKETAREN ORDAINA

Gogoratzen al zarete ATSOTITZEN LEHIAKETAN 25 euro irabazi genituela? Ba hemen dituzue argazkiak hori azaltzen dutenak! A ze tripa festa egin genuen. Gainera, Xabierrek, gure gelan praktikaldia egin duenak, patata tortilla ere ekarri zigun. Aupa Xabier!!!!

2021(e)ko abenduaren 21(a), asteartea

ESPAZIONTZIA

GURE ESPAZIONTZIA

Inguruneko proiektua bukatzeko espaziontzi bat egiten hasi ginen.

Talde bakoitzak espaziontzi baten marrazkia egin zuen eta hau egin ondoren, bozkatu eta gehien gustatzen zitzaigun espaziontzia aukeratu genuen.

Gero, talde bakoitzak espaziontziaren zati bat aukeratu zuen kartoiarekin egiteko.

Arkatzarekin espaziontziaren zati baten forma egin genuen kartoian eta markatutakoa margotu genuen.

Azkenik moztu, eta zati guztiak elkarrekin pegatu genituen.

HONA HEMEN GURE ESPAZIONTZI ZORAGARRIA!!!!

2021(e)ko azaroaren 24(a), asteazkena

HONDARTZAKO FUTBOLA

Aurreko astean gure lehenengo plaieroak izan ziren eta kasualitatez gure irakaslea paseatzen zebilela gu ikusi gintuen eta argazki hauek atera zizkigun gure mailakoei.

Irabazteak edo galtzeak ez du garrantziarik; gauza ondo pasatzea da.

Hurrengoan anima zaitezte gu ikustera eta ondo pasatzera.